O sábado, 2 de maio, celébrase o Día Internacional contra o Acoso Escolar co obxectivo de concienciar a poboación infantil e a toda a sociedade en xeral, sobre os riscos que supoñen estas prácticas abusivas, tanto de xeito directo coma indirecto e que chegan a converterse nun perigo terrible para os rapaces e rapazas que as padecen.
Nos centros educativos tratamos de evitar que esto ocorra e para sensibilizar ao noso alumnado e implicalo no rexeitamento deste tipo de comportamentos, os rapaces e rapazas de 4º, no curso pasado realizamos un pequeno vídeo coa axuda do profe Abel, sobre o conto, "Todos con Vanesa" que de novo volvemos recordar. Un emocionante libro de imaxes sen palabras que conta a historia dunha nena que é acosada e dunha compañeira de clase que o ve todo, pero non sabendo como axudar, busca o apoio de todos os seus compañeiros para rescatala desta soidade. Grazas a este acto de bondade, dela e dos seus compañeiros e compañeiras, todo remata ben, final que por unanimidade, o alumnado decidiu darlle a este fermoso libro.
Algo moi común e sofrir acoso a través das redes sociais, nós reproducimos unha conversa de WhatsApp, pero dámoslle un xiro ao que podería ser un caso de bullying e as historias sempre acaban ben, como ten que ser. Depositámolas no buzón do cole para aportar o noso gran de area e colaborar para que a sociedade modifique e rexeite actitides deste tipo.
