Plantación primavera 2024

Comezamos cos traballos de acondicionamento do noso horto, arrincando as malas herbas e abonando a terra para realizar a sementeira nos primeiros días de maio, se o tempo o permite.

Polo momento aproveitamos para realizar a sementeira de xirasoles coa idea de  transplantalos, regalos e coidalos no verán, coa axuda das nosas familias.

Os xirasoles son flores grandes e brillantes que a miúdo se consideran signos de felicidade e boa enerxía. Pero estas fermosas flores tamén son signos de paz e esperanza. En moitas culturas, o xirasol asóciase co Sol e considérase un símbolo de calor e luz. A flor utilízase na arte e na escritura para mostrar felicidade e positividade, curación e esperanza. Por iso non esquezas cultivar un xirasol na túa vida e abonalo cada día con actitudes de cariño, respecto e amizade, seguro que ha medrar  moi fermoso.

Lectura en familia con Vanesa

Vanesa, nai de Felipe💑

O xoves, 25 de abril, desenvolveuse na nosa aula unha nova actividade de lectura en familia. Vanesa, nai de Felipe, falounos de Andorra, un estado independente situado entre Cataluña e Francia, onde ela pasou os primeiros anos da súa vida, ata que decidiu formar unha familia e virse a vivir a Galicia. O principado de Andorra é un microestado, dividido en sete parroquias, cunha superficie  total de 468 km². Pero non por pequeno deixa de ser interesante e moi fermoso, tanto para as persoas que viven nel como para ser visitado. Conta con moitos atractivos turísticos durante todas as épocas do ano e a todos nos fascinan as súas montañas nevadas e a paisaxe. Pero tamén podemos visitar  igrexas románicas, museos, adegas, lagos, estanques, buscar o Tamarro e practicar todo tipo de actividades ao aire libre e de aventura. E por suposto  esquiar,  percorrendo as  longas pistas como facía Venesa cando era pequena, acompaña sempre do seu pai.

Desfrutamos moito ao escoitar este relato e agora xa sabemos algo máis deste país,  para algúns de nós bastante descoñecido. Así que prometemos visitalo tan pronto nos sexa posible. 
Moitas Grazas, Vanesa, por regalarnos un pouco do teu tempo, tamén polos agasallos e por  compartir con nós as túas vivencias da infancia.

                Grazas, Vanesa!👏👏👏

Un agasallo ben bonito!

Moitas, moitas grazas

Lectura en familia con Yoli

Yoli, nai de Yoana💑

O xoves,  18 de abril, desenvolveuse na nosa aula unha nova actividade de lectura en familia. Contamos coa colaboración de Yoli, nai de Yoana, que nos contou un relato moi fermoso sobre o libro de Anxo Moure  titulado, "A xacia Luviñas". Nel  recóllese a tradición oral relacionada coa Ribeira Sacra, dirixida á xente máis pequena. Gustounos moito este libro e aínda que xa sabemos moitas cousas da Ribeira Sacra, todo o que nos contou Yoli pareceunos moi interesante.

Moitas Grazas, Yoli, polos agasallos e por  compartir con nós esta experiencia tan marabillosa.

    Yoli, Grazas!👏👏👏

Un agasallo ben bonito!

Moitas, moitas grazas