O día 25 de novembro é o día da Non Violencia de Xénero. No noso colexio conmemoramos esta data con varias actividades, entre elas está a visualización de vídeos no blog do centro relacionados con esta temática. Todos realizamos un bonito cartel e finalmente, cunha posta en común de todo o alumnado, deseñamos un mural con frases moi sentidas relacionadas con esta data, coa finalidade de concienciar sobre a necesidade de erradicar da nosa sociedade calquera tipo de violencia e sobre todo aquela que se poida exercer sobre as mulleres e a poboación infantil femenina de moi diferentes maneiras e que impide acadar esa igualdade na que todos cremos.
